في حضرة..<احمد الصانع>

السلام عليكم ورحمة الله وبركاته

طبعا كلنا يعرف الشاعرالمتالق

احمد الصانع

فجمال حروفه يعرف عنه

في هذا الموضوع

سنضع كل روائعه..ابداعاته..واشعاره

سكون موضوعا خاصا به فقط

فهلمو معي نرتشف من عبق حروفه

ونتيه في جمال محابره

تحياتي وتقديري

همس الروح

كلمة من احمد الصانع لكل قرائه

ها أنا أجمع شتات أحمد الصانع .. لقلوبكم .. وها هو كُل ما كتبته خلال سنواتـــ مضت .. أشعاري .. قصائدي .. أبياتي .. ...بين أيديكم ... فـ لولاكُم لما كان " أحمد الصانع " ولولا محبتكم .. ما سَما .. ولولا نصائحكم وتوجيهاتكم .. ما أرتقى .. كُونوا بالقربــ وسأكون أقرب هُنا بإذن الله ..

أحمد الصانع

قلبــــــــي مدينــــــــة

:
:

ما تغيَّر شي .. لكن .. صار فاضي هالمكـان
يعني إنتَ شفت قلبي طحت مِنْ عيني وعينـه

[ كان ]
لك قلبي
" مدينه "
ولاحظ إني قلت :
كان !
يعني إنتَ الحين واحد خارج حدود [ المدينه ]

ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان
لو تبوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه !

[ عزِّتي ].. ما هي جديده آنا شامخ من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
خاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه

طفـــرة الأربــاح .. ( ما مــرتاح ) ..!

دخول :

ما مرتاح من ربعي ..
ولامرتاح !
نادوني ..
وركضت بـ ليل
إيد " الرسن " بيها ..
وإيدٍ بها " سلاح " ..
عثرَتْ مُهرتي ..!
و ..
" ربعي " قبل ماطيح
واحد قال للثاني :
" أبشرك " طاح
أبشرك " طاااح " ..!!!

لـ كاظم إسماعيل الكاطع

:
:
وأنا مثلك مع ربعي يا [ كاظم ].. حيل مو مرتاح ..!
كأنهم بيد عطشانه .. وكأني بينهم [ واحه ] !

خذا بعض الأسى بعضي وبعضي وين منِّي راح ؟!!
وقلبي قاتله حزنه ( سَ قَ ط ) .....
مقتوله أفراحه !!

أجيهم .. نيِّتي بيضا ويجُوني في شكل أشباح !
لأجل راحتهم أتعذَّب ..
عذابي عندهم راحه !!

تصدِّق ..؟!
حيل متضايق ( خساراتي ) لهم " أرباح " ..!
ضحكت
وكانت الضحكه من الصدمات و [ السَّاحه ] ..!!

إذا ربعك مثل : ( غابه ) .....؟!
أنا ربعي مثل : [ مسباح ] ..
وأنا شخصٍ .. عجز يجْمَع ( نَثِر ) حبَّات مسباحه !

وإذا صارعت من أجل القرايب قوَّة التمساح .....؟!
أنا حتَّى البعيد اللِّي يجيني مااات تمساحه !!

زرعت الطيب في قلب " الحجر " وإستغرَب الفَّلاح ..
قفل حظي مع ( الفرحه ) .. ألاقي ويييين مفتاحه ؟!

تعب : لا كنت في ظلم السجون وضايع المفتاح !
معاك الحق لكن [ العدل ] .. ما فاد مصباحه !

عتب : لا صار يتبشَّر صديقك .. والألم صدَّاح
وعدوِّك كان في لحظة سقُوطك , تنزف جراحه !!

بحر ..
يا موج ..
يا شط الصداقه .. كنت لك ملاَّح
سفينه كان لك قلبي .. ولكن غدرك إجتاحه !

حرام : إن كان لي واحد وأناديه بـ إسم يا صاااح
مدامه " صاحبي " بإيده سقاني .. السِم بـ قْداحه !

سمعت إصياح من عين المراجل ...؟!
إي / سمعت / إصياح ..
و [ طير ] المرجله في هالزمن متهلهل جناحه !!

( صديقي ) صار معناها بـ عيني .. واحدٍ " سفَّاح " ..
لأنهم أغلب أصحابي .. على الطعنات ذبَّاحه ..!

وفا شنهو الوفا ....؟!
[ شَمعٍ ] كثر ما يشعلونه ساح !!
ورمحٍ يصنعه وقتي ( وربعي ) حيل رمَّاحه !!

يجي واحد مُنى قلبه .. يشتت فيني [ الأفراح ] !!
وواحد ضاق لو يلمح عيوني .. تنام " مرتاحه " !!
و
واحد قال للثاني : من المُهرهـ أبَشْرِ طاااااح
كأن بـ طيحتي يلقى السعاده .....
و طفرة أرباحه !!

( نِص الغلا )

:
:
تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك

لا يا حبيبي .. الزمن لا يخليك
تقسى على قلبي وتسقيه سِمِّك

دنيـاك هذي , لا تغيِّر مباديك
مهما إستطعت الظلم إعدل بحكمك

ما هي غريبه من يذمِّك يماشيك
لكن غريبـــه يمدحك من يذمِّك !!

ما كل واحد غاب معناه ناسيك
بعض البشر ينساك لو كان يمِّك

أدري تعزني .. اللـه يعز غاليك
وإن كان لـي عندك معزَّه بضمك

في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك

إسمك حبيبي ويا كثِرها أساميك
وقلبي يفز .. لا جابوا الناس إسمك

ليتك تحس في ضيقتي يوم أحاتيك
أحرق لك أعصابي .. وما حَس دمِّك

غايب بدون أعذار .. ربِّي يجازيك
عطني سبب مُقنع حبيبي .. وألمك

همِّك , جنونك , ضحكتك , كل ما فيك
صوتك , سكوتك , وأرجع أقول: همِّك

طيشك , عنادك , لما تزعل وأراضيك
ترسم ملامح ضحكتي .. وتمحي رسمك

[ لبيــه ] منِّك غير .. لمَّا أناديك
كن الكلام العَذب ... مرساه فمِّك

مهما غلوك قلوب ناسٍ حواليك
أغليك أكثر منِّهُم بس .. لعلمك

أبوك , خالك , إختك , أخوك , ماضيك
ربعك ، جميع النـاس , وعيـــال عمِّك
.
.
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك

مــوَّت غيـــاابك ســـوالف !

:
:
تدري وش سوَّى غيابك ؟!
مـوَّت غيابك سوالف ..!

ما يخوِّفني زماني
بس من فرقاك خايف ..!

فجأه أصحـى ومـا أشوفك ..
لا تهددني ... ظروفك

إعتبرني .. حلم / واقع
وإلاَّ ظلٍ ما يطوفـك

ضاميٍ عطشان .. جيتك
لا يعشمني سرابك ..!

تسمح بكلمه ؟! بغيتك
قبل لا تبدي غيابك ..!

في حضرة..<احمد الصانع> Wwe

:
:
تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْ الجَرحْ بدْري

وإنتْ كيفكْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بكيفكْ جروحي

وإشْطبْ آمالي وطموحي
وإعْتبرْ قلبي كتابكْ !!

في حضرة..<احمد الصانع> Jhhh

:
:
تدري وشْ حطّم غيابكْ
مرْكَبْ بداخلْ شعوري

منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني

وصارتْ الدنيـا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر

منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا

يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني

والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!

في حضرة..<احمد الصانع> OOO333

:
:
تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما أخونك لو تجافي
ما هو آنا اللي إن ضاقت
علي الدنيا / خنت

في حضرة..<احمد الصانع> Liwab

:
:
تدري وش صار بغيابك..؟
غاب [ شاعر ] أحتريه
الوطن : يبكي عليه
والورق : مسكين ضاق
والقلم : يفقد إيديه
عاجز التفكير فيني
يلقى حلٍ للفراق
الزمن مثله زماني
والدقايق هي دقايق
والسؤال اللي جرحني
وين فايق وين فايق
وين فايق..؟
ليه ما يكتب قصايد
وين فايق..؟
ما نشوفه بالجرايد
وين فايق..؟
نفقده بالحيل / وايد
صج هو راح العراق..؟
وش يسوِّي ليه راح..؟
وين فايق..؟
ما تعب صوتي ينادي
صرت مُزعج \ صرت هادي
وفجأه قلت: بصوت صارخ
" فاااااااايق "
وأسمع جراح
راح صوتي
والصدى يرجع .. سكات
مَنْ تُنادي ؟؟ لا حياة
كم أسيرٍ جو رفات
مات....
ومات....
مات....
ومات...
لحظه لحظه منهو مات..؟
صرت أحس الإختناق
يعني فايق ما رجع؟
ليه يا حظي وجع
قلبي دقاته سباق
مِن خبر موته فجع
وهذا آخر شي صار
ماااات
فايق في العراق !!

في حضرة..<احمد الصانع> Weash_9ar

:
:
غيبِتِك [ قسمه ونصيب ]
خلْني أشرَه عـ ( الزمن )
يا حبيبي .. ما هو عيب
إن بكى فينـي .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!

في حضرة..<احمد الصانع> Ma_e8e8e8e8

:
:
تدري وش ناتج غيابك ؟
زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح
يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون وصديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !

في حضرة..<احمد الصانع> Tdre_8jja

:
:
عليك شلون ما أزعل؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!

وصِيَّه

:
:
وصِيَّه مِن قبل مُوتي أبكتِبها بدُون ألقاب
عشان اللِّي يجي بَعدِي يتذكَّرني ويقراني

صَريحَه صَفحِتي هذي وبخلِّيها بدُون إحجَاب
بَسولِف للمَلا .. واللِّي على قلبي على لساني

بَعَلِّم غِيري وش فِيني مِن همُوم وشِقى وعتاب
وعلى فِكرَه ترى قلبي(حقيبه) كلَّها أحزاني

أبذكِر .. كِل ما أذكِر مَدام إن الزمَن ينعاب
أبغرق .. وأشعِل ظنُوني مَدام إن العُمر فاني

برسِّي مِن بُقى فيهُم وعَسَاها تِسلَم الأرقاب
وأبلفِظ آخر أنفاسِي عشان القاصِي والداني

ترى ما كِل مِن قرَّب قِريبٍ .. والغِياب غياب
ولا كِل شَخص يِضحَك لِي أعِدِّه مِثل إخواني

أهاب المُوت في لحظه ولحظه المُوت مِنِّي يهاب
أواسي نفسي بنفسي وأكُون المَجني الجاني

أنا ما أكتِب شعوري عَشان ألقى صَدَى وإعجاب
أنا أكتِب .. لَجِل أرضِي جُروحي وضِيق كِتماني

وإذا قلبي غدا شايب من همومه بَعدني شاب
وعُمري توَّه صِغيِّر ... وقُويَه حِيـل أمتاني

أبد ما كِنت مِتصَوِّر تِجيني نشوة الأحباب
لأني ما عرفت [ الحُب ] .. إلاَّ يُوم ناداني

وقبل لا أقول كِلماتي وأودِّيني على المحراب
أبدفِن دَفتِري بإيدي .. مَدام الوَقت حدَّاني

إذا شمس اللِّقا غابت وتفارقنا بدُون أسباب
بتذكرني مَع الأيام ؟ .. وإلاَّ عادي تنساني

سؤال يدُور في بالي حبيبي والظنون إقراب
أنا إن رِحت عَن دربي يا غالي وين ألقاني ؟

وإذا كان الوصِلْ صَادِق ترى بُعدك عَلي كذاب
أفكِّر فِيك وفي حَالي حقيقه الحُب أعْمَاني

خذاني مِنْك وسواسٍ فِتَح للأسئِله .. أبواب
يخلِّيني أشِك إنِّك تِحِب لِك واحِد(ن) ثاني !!

يا خُوفِي الحَظ مَا يَصدِق مَعَاي ونِنتِهي أغراب
لأني كِل ما أحْلِم أشوف .. الوَقت صحَّاني

حبيبي .. لا تِطمِّني وتِشقِق مِن غلاي ثِياب
أبَسكِن دُوم في بالِك و أبيك تِكُون عنواني

مَدام إنِّي لَجِل عِينِك زَعَل مِنِّي كِثير أصحاب
ترى لازم لَجل عِيني .. تِعَوِّض كِل حرماني

نويت أكتِب شِعِر عَنِّك مَدامِك للشِعِر طلاب
عسى يعجِبك ما باقي مِن حُروفي وألواني

أغمِّض عِيني وأكتِبلِك وأفتحهَا ألاقي كتاب !
شعوري إنصدم منِّي .. وأثاري هذا ديواني

بلاد الأحاسيس

:
:
إن ضاقت الدنيا من أسباب فرقاك
واللـه أرحَم .. من وجودك بصفي

خلك بعيد أحسن وصدقني بنساك
اللي فعلته .. في حياتي يكَفِّي

عجزت أدوِّر فِيك عنَّك ولا ألقاك
قلبك من بلاد الأحاسيس منفي

أجيك مِنَّا .. ( ألمحِك ) رحت مِنَّاك !
أجيك واضح وجيتني بوجه مخفي

تخطي بحياتك وأحضِن أتعَاب ما جاك
و [ قلبي ] ... إلا منِّكْ نخيته يوفِّي

حاولت أداري خاطرك وأكسِب رضاك
من قو حُبي لِك ... ومن زود عطفي

لكن غرورك يُوم أغليك أعماك
خلاك تتوهم .. بخوفي وضعفي

وخلاك تحسِب لا بَعَدت آترجاك
وأمسَح دموعي لين ما أبل كَفِّي !

آنا مثل : [ نارٍ قويَّه ] .. وإيَّاك
من هو لمسهَا تحرِقَه ما تدفِّي

والحين بنهي قصة الحُب وياك
وقزَّر حياتك بين ذكراي وحرفي

وقلبي / إذا مرَّه لقيته .. وتعداك
لا ( تحرجه ) وتحِط إيدك بـ كتفي

من ورى عيني

:
:
أدري والله يـا حبيبي مِـن ورى عيـني تخون
لا تِظِـن إنِّك مِكَـذَِّب .. لا تِصَدِّقهَـا ظِنونك

ومِن يقول آنا أحِبـك وقلبي عايش لِك يصون
آنـا مثلك يا حبيبـي مِن ورى عِينك أخونك

هَـان قلبـي في عُيونِك و هَم بَعَد قلبِك يُهون
عِشت أيَّامِـك بِدُونِـي و عِشت أيَّامِي بدونك

دامِك تِسَمِّــي الخِيَانَــه في مَلفاتِك جنون
فِينــي لِك مَليُون جِنِّــي كِلّهُم والله يَبونك

لاتِسَوِّي لِـي حِكايَـة نُون ومَـا لا يَعلمون
يَعنِي فاهِم يَعنِي عَارف وإنتَ ضايع وسط كونك

كيف أحبك ؟ ليه أحبك ؟ وإنتَ أصلاً مِن تكون
شخص خايِن والله باين حِط عيـني في عيونك

لا تِمَثِّـل دُور عَاشِـق .. ولا تِقول إنِّك حنون
إنتَ قاسِـي إنتَ ناسِـي إسأل اللِّـي يعرفونك

أو ترى يمكِـن يكـونوا مِثلِك إنتَ يكذبون
يذكرُونِك.. يفقدُونِـك.. بالكِـذِب هُم يعشقونك

لا تِصَدِّقهُم وتَبكِي وفـي غِيابِـك يضحكون
لا تأمِّنهُـم وأحـذَر قبـل لا تبـدي طعونك

والله باكِر ما يفيدِك لا بـدَى وقت الطعون
يطعنُونِك وإنتَ شايف وإنتَ عَـايش يذبحونك

والمصيبه بَعَد مُوتِك بالكِذِب هُـم يحزنون
يدفنُونِـك .. يكرمُونِـك .. و إلاَّ يمكِن يتركونك

هِي حَياتِك وإنت كِيفِك خُون لو وِدِّك تِخون
بَس إفهَم شَي واحِـد .. والله مِن خِنتَه يخونك

همس الروح

هنا ساحة خاصة رائعة جدا

واختيار احد عمالقة الشعر

دليل على جمال ذوقك

ساكون معك هنا

وساضع ما اجده من ابداعات هذا الشاعر المتالق

الذكـــــــــــــــــــــاء

:
:
يا ذكيٍ في جُروحك ما يفيدك هالذكاء
إنتَ شاطر بس قلبي يُعتَبَر فلته الخطير

شاعرٍ ما ضاق صدري إلا في وقت الرثاء
يعني حُبك ما يهمني لأن فيه غيرك كثير

جيتني مِشتَـك / وقّف ثُم إخِذ خطوَه لوراء
لا تجي جنبي وتزلِق في خفوقي يا صغير

اللي بك ماهو شطارهـ اللي بك هذا بلاء
من غروركـ تحسب إنهـ القمر منّك يغير

ما تشابهني بشيٍ وبيننا خط إستواء
أنا أمشي في رزانه وإنتَ بخبالٍ تطير

قلبي متعلّق في بابه لوحةٍ فيها رجاء
يمنع دخول الحبايب اللي ما فيهم ضمير

وإنت ما عندك ضمير وحتى ما عندك ولاء
واللي مثلك والله يمكن في جهنم له مصير

بارعٍ أتقنت دورك .. يُوم مثَّلت الوفاء
وللخيانه لو طلع موطن أكيد إنت الأمير

من خطا واجب يُحاسَب ومن عدل ياخذ جزاء
وإنت مخطي بحق نفسك وجداً حسابك عسير

كنت لي شمسي , وقلبي إشتاق لنجوم المساء
يعني مشهد في حياتي وإنتهى الفصل الأخير

تصبح جروحك بخير

:
:
كان قِدامي الفَرَح وكانت أحزاني وراي
لين شِفتك وإنعِكس كِل شي وما عيَّنت خير

يا كِثرهُم يُومي إخترتِك وسلَّمتِك سماي
ما وصِل غِيرك مُكانِك وحدِك بصدري تطير

كنت أمير وكان قلبك في وسط إيدي عصاي
ليـــه تعصانــي وترمي نفسك لذاك الوزير

من غموضك ما فهمتك إنت علي وإلا معاي
في الزمن كل شي جايز وصار اللي ما يصير

في بداياتك سندتك .. ليه تبدي منتهاي ؟
يعني قصدك تكسِر اليَد الوفيَّه..! يا حقير

يسعِد جُروحِك وغدرك بَس لا تجرح مساي
لأنه جرحك ما توقعته / وحبِّيت بضمير

يا أعز إنسان جارحني .. ويا مَبدَأ شقاي
يا أقرب همومي علي ياللي مِن فرحي تغير

يا وفاك اللي عرفني وصار هايم في عناي
يا قبيلة حزن تبـــــدي بَس ما فيها أخير

كنت أجي عِندك وأتعَب وألْمَح المُوت بخُطاي
والطريق اللي يودِّي لِك .. أنا أدري خطير

ما حِسبت إحساب شيٍ كانت عيونك مُناي
بعت خلق الله عشانك والخطا مِنِّي كبير

وكان باقي لي مَعَزَّه عِندِك .. إثبت لي غلاي
بيّض الله وجهِك إبعِد .. وفَّت طِعُونِك كثير

هذا حدِّي في غرامك وهذا هو والله جزاي
نامَت جُروحِك في قلبي تِصبَح جُروحِك بخير

بسم الله الرحمن الرحيم

كلمات جميلة وابداع اجمل تحياتى الى همس الروح

احب الاخضر يلي دوم يشع نوره بذكرالرحمن

وبـذكـر رسـوول الـلـه خـاتـم الاديـان

مـن حقـه الاخضـر لين رفرف هزي الوجدان

الله وكبـر يـاعـلم يـامـلوع الـولـهـان