وسع صدرك
واهتني بأيامك
واغنم سعادة
قبل يغيب طاريها
الله أعلم
بكرة وش يبدل أحلامك
وينقض عيشة فرح
كنت تجافيها
خلي الهم
والله ماتفيدك أوهامك
واحرص عالمودة
لاتنافيها
اللي راح راح
قل لي وش علامك ؟
خلك باليوم
واحزانك لاتجاريها
الحزن مكتوب
والدمعة
وآلامك
وقلبك المطعون
والغصة تداريها
بنصحك
وخذها من اخو مالامك
فاهم في الحزن
والدنيا يباريها
اذكر الله
وخله دايم قدامك
وبتكون . . .
قنوع النفس وهانيها
